專題分工+演講稿

工作量平均分配
引言:呂國華
正文:岑昆倫
總結:阮文婷,陳玉嫦
匯報:全組同學
資料搜集:阮文婷
拍攝:呂國華
篇排/整理資料:陳玉嫦
加工/後期美化:岑昆倫
匯報powerpoint+演講稿:岑昆倫

演講稿如下:
主角1=A (岑), 主角2=B (阮), 導遊=C (陳), 遊客=D (呂), page=P

(開powerpoint,p1,再禁去P2)
A:唉…今個假期咁悶,去邊度好?開電視先睇野!

(搵人禁去p3)
(扮疑惑)A:佛山祖廟?咩黎架!
B:你唔知咩?佛山祖廟係佛山最大最有歷史既古建築.
A:唔好講咁多啦!一於就去佛山祖廟啦!

(禁去P4)
A,B:我地黎到佛山祖廟啦!
B:其實我都知少少佛山祖廟既野架.佛山祖廟係以嶺南建築方法所建既廟宇,佢經歷過好多次重修同擴建先有今日咁大架!
A:既然係咁,我地快D入去搵導遊問下啦!

(去P5)
A:導遊先生(小姐)請問佛山祖廟係點黎架?
C: 祖廟係建於宋代既,當年祖廟既原地,村民發現金光閃閃既佛像,而附近亦都有一間專為以前僧人傳道而設既小寺廟,為了記念呢件事,村民就把寺廟漸漸擴大,但係元未比義軍焚毀,元朝之後先進行重建,祖廟入口度有一塊石碑介紹祖廟歷史同由來,你地一陣去睇睇架!
B:咁佛山祖廟又有咩野特別既架構?
C: 佛山祖廟設計精巧優美,堅固穩重,係同類古建築中別具一格. 從建築既角度睇,祖廟係一組建築藝術高超,裝飾工藝精美的具有嶺南特色的建築群,祖廟的陶塑屋脊共有六條,分別裝置在三門,前殿,前殿兩廊,大殿,慶真樓的屋頂上.
A+B:好啦,我地自己去睇睇祖廟既野先!

(去P6)
B:果度有個遊客wo,去訪問下佢啦!(走去遊客度)
A:先生/小姐,你好呀,可唔可以訪問下你呀?
D:當然可以!
A: 你覺得佛山祖廟最好既係咩?
D:當然非陶瓷雕塑製品莫屬!佛山祖廟向來被譽為[雕塑藝術大觀園],廟中唔單只有石刻,木雕,磚雕,更有大家都認識唔深既灰塑,陶塑同銅鐵雕,雕工真係好精緻, 祖廟有陶塑,剪紙,武術,舞獅等嶺南文化,係佛山文化的見證,的確係佛山民眾常到之地.
B: 咁依家係唔係仲有好多人參觀祖廟既?
D:呢層當然啦!我都成日黎架.佛山祖廟充滿文化氣息,雕塑果D咪係最好既證明囉! 祖廟同佛山人成長好密切,佛山祖廟中有唔同既表演,好似演戲,武術同舞獅等等中國重要既文化,每當有節日同大事果陣,佛山祖廟就會搞好多表演,次次都有好多人黎參觀架!

(去P7)
A:我地既旅行咁快就完左啦,你學倒D咩?
B:哇,學倒既野真係多啦,我今次知到佛山祖廟建築原因,又了解到佛山祖廟既建築架構!而粵劇係源於佛山祖廟,通常都會係祖廟既慶真樓演出.係呢度可以睇倒祖廟係佛山根深柢固既形象,同對當地人民既影響同重要性.你呢?
A:今次旅行顯示左佛山當地既文化風俗習慣,加深左我對佛山同當地人既了解.而且佛山祖廟非常之有歷史價值,所以我地要保護佛山祖廟,咁就可以加強佛山人既凝聚力,又可以令佛山文化保存得比較好.

(去P8,感想)
陳:睇倒好多精緻既雕塑令我大開眼界,更加想知道更多佛山既特色同發展史.
阮:係佛山祖廟度,導遊既講解令我更加認識到佛山祖廟獨有既藝術文化.
呂:學習唔係硬性架,係可以去其他地方遊歷同埋增進知識,就好似去佛山祖廟咁.
岑:佛山祖廟度可以睇倒有文化氣息既野,加深對佛山既認識,又可以乘機休息下.

(去P9,組相結尾)
有 [再見] 既字
ABCD:byebye!

~~~~~~~~~~~完~~~~~~~~~~~